ბუნებრივი საშუალებები მენსტრუალური
ტკივილის მართვისთვის
მენსტრუალური ტკივილი, რომელსაც სამედიცინო ენაზე დისმენორეა ეწოდება, პრობლემაა, რომელსაც ქალების უმრავლესობა უჩივის.
ზოგადად, დისმენორეა იწყება მენარქედან ანუ პირველი მენსტრუაციიდან რამდენიმე წლის შემდეგ და ძირითადად გვხვდება 15-დან 25 წლამდე ასაკის ადამიანებში.
მესტრუალური ტკივილის ინტენსივობა შეიძლება განსხვავდებოდეს სხვადასხვა ინდივიდში და ციკლის სხვადასხვა დღეს. ზოგადად, დისმენორეა უფრო ინტენსიურია მესტრუაციის პირველ დღეებში, მაგრამ ცალკეულ შემთხვევებში ტკივილი მის დაწყებამდე რამდენიმე დღით ადრე ვლინდება. ზოგიერთ ქალს იმდენად ძლიერი მესტრუალური ტკივილი აქვს, რომ უძნელდება ყოველდღიური საქმიანობის შესრულება.
სცადეთ ეს რჩევები და სწრაფად იგრძნობთ უკეთესობას.
სითბოს გამოყენება
მუცლისა და წელის არეში ცხელი სათბურის გამოყენებამ შეიძლება შეამსუბუქოს ტკივილი.
თუ ცხელი წყლით სავსე ბოთლი ან სათბური ხელმისაწვდომი არ არის, მიიღეთ თბილი აბაზანა ან გამოიყენეთ ცხელი პირსახოცი.
ერიდეთ გარკვეულ საკვებს
მენსტრუაციის დროს, კარგი იდეაა, მოერიდოთ საკვებს, რომელიც იწვევს მუცლის შებერვას და წყლის შეკავებას.
ასეთი საკვებია:
ცხიმიანი საკვები, ალკოჰოლი, გაზიანი სასმელები, კოფეინი, მარილიანი საკვები.
აღნიშნული საკვების შემცირება ან გამორიცხვა დაგეხმარებათ დაძაბულობის შემცირებაში.
უფრო შესაფერისი დიეტა
ზოგადად, დიეტა, რომელიც მიზნად ისახავს მენსტრუალური ტკივილის შემცირებას, უნდა შეიცავდეს მინიმალურად დამუშავებულ საკვებს, ბოჭკოს და მცენარეებს.
სცადეთ ეს საკვები:
- პაპაია მდიდარია ვიტამინებით.
- ყავისფერი ბრინჯი შეიცავს B6 ვიტამინს, რომელიც ამცირებს მუცლის შებერილობას.
- ნიგოზი, ნუში და გოგრის თესლი მდიდარია მანგანუმით, რომელიც ამსუბუქებს კუნთების მტკივნეულ სპაზმებს.
- ზეითუნის ზეთი და ბროკოლი შეიცავს E ვიტამინს.
- ქათამი, თევზი და ფოთლოვანი მწვანე ბოსტნეული ავსებს მენსტრუაციის დროს დაკარგულ რკინას.
- სელის თესლი შეიცავს ომეგა-3-ს, რომელსაც ანტიოქსიდანტური თვისებები გააჩნია; ეს უკანასკნელი ამცირებს შეშუპებას და ანთებას.
უკეთესი ჰიდრატაცია
ცოტა უცნაურად ჟღერს, მაგრამ წყლის დალევა ხელს უშლის თქვენს ორგანიზმში წყლის შეკავებას. საკმარისი რაოდენობით წყლის მიღებით თავიდან აიცილებთ მუცლის მტკივნეულ შებერილობას მენსტრუაციის დროს. თბილი ან ცხელი წყალი, როგორც წესი, უკეთესია სპაზმური ტკივილის დროს, რადგან ცხელი სითხეები აძლიერებს სისხლის კანში სისხლის მიმოქცევას და შეიძლება მოადუნოს დაჭიმული კუნთები.
ასევე, შეგიძლიათ გაიუმჯობესოთ ჰიდრატაციის დონე წყლის მაღალი შემცველობის საკვების მიღებით; მათ შორისაა სალათის ფოთოლი, ნიახური, კიტრი, საზამთრო, მარწყვი, მოცვი და ჟოლო.
ვარჯიში
მენსტრუაციის დაწყებამდე ან მის დროს ფიზიკური აქტივობის გაძლიერების იდეამ შეიძლება არ მოგხიბლოთ, მაგრამ გახსოვდეთ - ვარჯიშისას თქვენს ორგანიზმში გამომუშავდება ენდორფინები. კვლევებმა აჩვენა, რომ ვარჯიში ეფექტურია მენსტრუალური ტკივილის შესამცირებლად იმდენადაც კი, რომ შეიძლება აღმოფხვრას ან შეამციროს ტკივილგამაყუჩებელი მედიკამენტების საჭიროება.
ზომიერი აქტივობა, როგორიცაა სიარული, შეიძლება სასარგებლო იყოს მენსტრუაციის დროს, ოღონდ ძლიერ დატვირთვას უნდა ერიდოთ.
ბუნებრივი და შინაურული საშუალებები
კბილის ტკივილის დროს
ზოგიერთი ბუნებრივი საშუალება, როგორიცაა მარილიანი წყლის გამოვლება ან ცივი კომპრესის გამოყენება, შეიძლება დაგეხმაროთ კბილის ტკივილის დროს. თუმცა, თუ ტკივილი გრძელდება, შეიძლება საჭირო გახდეს სტომატოლოგის ჩარევა გამომწვევი მიზეზის სამკურნალოდ.
*თვითმკურნალობა შეიძლება საფრთხეს შეიცავდეს
და ყოველთვის უმჯობესია, მიმართოთ ექიმს.
მარილიანი წყლის გამოვლება
ხშირად პირის ღრუს მარილიანი წყლით გამოვლება საკმაოდ ეფქტურია. მარილიანი წყალი ბუნებრივი სადეზინფექციო საშუალებაა. იგი ხელს უწყობს კბილებს შორის დარჩენილი საკვების ნაწილაკებისა და ნარჩენების დარბილებას.
ასეთი მიდგომის შემთხვევაში, შეურიეთ 1/2 ჩაის კოვზი მარილი ჭიქა თბილ წყალში და გამოიყენეთ, როგორც პირის ღრუს სავლები.
ცივი კომპრესი
ცივი კომპრესის გამოიყენება შეგიძლიათ ნებისმიერი ტკივილის შესამსუბუქებლად, განსაკუთრებით, თუ რამე სახის ტრავმამ გამოიწვია თქვენი კბილის ტკივილი.
ცივი კომპრესის გამოყენება იწვევს იმ არეში სისხლძარღვების შევიწროებას და ტკივილის სიძლიერე იკლებს. სიცივეს ასევე შეუძლია შეამციროს ნებისმიერი შეშუპება და ანთება.
ამ მიდგომის გამოსაყენებლად, დაიდეთ პირსახოცში გახვეული ყინულიანი პაკეტი დაზიანებულ ადგილას 20 წუთის განმავლობაში. ამის გამეორება შეგიძლიათ რამდენიმე საათში ერთხელ.
შინაური საშუალებები წელის ტკივილის სწრაფად შესამსუბუქებლად
წელის ტკივილი ერთ-ერთი ყველაზე გავრცელებული მიზეზია, რის გამოც ადამიანები მიმართავენ ექიმს. მიზეზები განსხვავებულია, დაწყებული სპორტული ტრავმებით განპირობებული მწვავე დაჭიმვით და დამთავრებული სხვადასხვა ფაქტორით გამოწვეული ხანგრძლივი დაავადებებით.
აქ მოცემულია რამდენიმე რჩევა ტკივილის შესამსუბუქებლად და ჯანმრთელობის შესანარჩუნებლად:
გააძლიერეთ ძირითადი კუნთები
სხეულის მთელი ზედა ნაწილი ზურგის ქვედა არეს ეყრდნობა, რომელიც მუდმივი ზეწოლის ქვეშაა. ზურგის გარემომცველი კუნთები ტონუსში უნდა იყოს, რათა მყარად დაიჭიროს ხერხემალი და შეამციროს დატვირთვა ზურგის ქვედა ნაწილზე. ეს კუნთები იშვიათად მონაწილეობს ყოველდღიურ აქტივობებში, ამიტომ საჭიროა მათი ტონუსის გაძლიერება კონკრეტული, მიზანმიმართული ვარჯიშებით.
ყოველდღიურად დაუთმეთ მცირეოდენი დრო რამდენიმე მარტივი ძირითადი ვარჯიშის შესრულებას.
გაიჭიმეთ ყოველდღე
ზურგის მრავალი პრობლემა გამოწვეულია კუნთების დაძაბვით. ზურგის დაძაბული კუნთები დამატებითი დატვირთვაა მთელი თქვენი ხერხემლისთვის, სახსრების ჩათვლით.
ეცადეთ, ჩვევად აქციოთ ყოველდღიური გაჭიმვა ხერხემლის ჯანმრთელობის გასაუმჯობესებლად
მოერიდეთ არასწორ პოზაში ჯდომას
თუ არასწორ პოზაში ზიხართ, ხერხემლის ქვედა ნაწილის მალთაშუა დისკები უფრო მეტად იტვირთება, ვიდრე დგომისას. თუ დიდხანს გიწევთ ჯდომა, გახსოვდეთ, რომ ხშირად უნდა წამოდგეთ ხოლმე და გაიაროთ.
ისეირნეთ
სიარული ძალიან უსაფრთხო და კარგი ვარჯიშია. სამსახურში ან გარეთ სწრაფი სიარული დაგეხმარებათ, შეინარჩუნოთ ჯანსაღი წონა და შეამციროთ ზეწოლა ხერხემალზე.
სწორად აწიეთ
სიმძიმის აწევისას, ადვილად შესაძლებელია, ხერხემალი ცუდად მოაბრუნოთ, რამაც შეიძლება კუნთების სპაზმი და ტკივილი გამოიწვიოს. მძიმე ნივთების აღებისას, საჭიროა მართებული მოძრაობების გამოყენება - ეცადეთ, ძალა გადაიტანოთ ფეხის და არა ზურგის კუნთებზე. თუ ნივთი მარტო ასაწევად მძიმეა, ითხოვეთ დახმარება,.
შეამცირეთ ზურგზე ზეწოლა ძილის დროს
ზურგზე წოლა ძილის დროს ზედმეტად ტვირთავს თქვენს ხერხემალს. მოათავსეთ ბალიში მუხლებქვეშ ან, თუ გვერდზე გძინავთ - მუხლებს შორის. ამით შეამცირებთ ზურგზე ზეწოლას და შვებას მოგვრით ხერხემალს.
აკონტროლეთ წონა
ზედმეტი წონა დამატებითი ტვირთია ზურგისთვის. ჭარბ წონასთან გასამკლავებლად, ხერხემალი შეიძლება მოიხაროს და არათანაბრად დაიტვირთოს. ზურგმა შესაძლოა დაკარგოს სათანადო საყრდენი და დროთა განმავლობაში განვითარდეს ხერხემლის არაბუნებრივი გამრუდება.
შეწყვიტეთ მოწევა
მოწევა ზღუდავს სისხლის მიწოდებას იმ დისკებში, რომლებიც მალების ამორტიზებას ახდენს. ამან შეიძლება დააჩქაროს დისკის დეგენერაცია. მოწევა ასევე ამცირებს კალციუმის შეწოვას და ძვლების ახალი უჯრედების ზრდას.
ეს ზრდის მოტეხილობის რისკს ოსტეოპოროზის გამო - მდგომარეობისა, რომლის დროსაც ძვლები სუსტი და მტვრევადი ხდება.